閨密家中白事 港女封$101帛金被嫌少！ 竟要求封多XXX？ 網民：呢個朋友可以唔要

有親朋戚友不幸離世，於華人的傳統文化中都會「做帛金」來表達自己的小小心意。近日，有網民於社交平台上發文表示，自己妹妹的朋友奶奶過世，妹妹亦給予帛金並到喪禮鞠躬，但幾日後，妹妹朋友竟致電她，指帛金金額太少！此帖一出，隨即引來網民們留言。

樓主分享妹妹做帛金一事 

一位港女於Facebook群組「將軍澳主場」發文分享，指自己妹妹的朋友奶奶離世，妹妹作為一場朋友「都去靈堂放低帛金鞠個躬」。怎料幾日後，妹妹卻收到朋友電話稱「你俾個份帛金得$101，如果我屋企人見到，就唔係幾好啦」，讓妹妹感到驚訝。

妹妹指出「吓，我老豆走個陣，你人都無到， 帛金都無做喎」，但朋友竟解釋「點同呢，你識我屋企人喎」。樓主妹妹聽此便反問對方「咁你想我封幾多？」，對方則回應「封多幾百」，妹妹再問及「幾百？即係幾多百？」。朋友則直指「你俾多400我啦」，更讓妹妹直接將錢交給她，由她親自幫妹妹「加入去」。

樓主對帛金一事大感驚訝

樓主表示，當她聽到妹妹分享此事後，她大感驚訝：「亞妹同我講時， 我覺得好痴線！ 乜帛金有公價既咩？帛金可以封兩次？ 呢D我真係唔識！都未聽過叫人封多d帛金， 你估喜事咩！最後當然無再封啦！」樓主更指自己對帛金禮儀並不熟悉，但「都未聽過叫人封多啲帛金」，更怒指「你估喜事咩！」

網民激烈討論 

帖文一出即引起網民討論，網民表示「人情/ 帛金都係隨心，一係就事先講明要幾多」、「比佢囉，帛金都當人情咁計較，英雄宴都無食佢，佢覺得面子比友情重要嘅，咁算囉」、「咁嘅朋友可以絕交」、「呢個朋友可以不要， 帛金就係心意， 幾多唔係重點」。

帛金有公價？

事實上，做帛金並沒有公價，但一般是1字尾的金額，例如，$11，$51，$101，$501等等，以避開「好事成雙」的意頭。另外，有些人會以花牌代替帛金。無論是花牌還是帛金，都是對先人的一種懷念及其家人的小小心意，不是靠金額或價錢去衡量。另有殯儀從業者曾表示，帛金最重要表達自己的心意，量力而為就可以。